Dashoguz viloyatida «Galkynyş» milliy ot ustidagi o‘yinlar guruhiga bag‘ishlangan tantanalar bo‘lib o‘tdi

Mamlakatimizning dunyoga mashhur «Galkynyş» milliy ot ustidagi o‘yinlar guruhi Dashoguz viloyatida katta tantana bilan kutib olindi.

Joriy yilning 13-fevral kuni bo‘lib o‘tgan Vazirlar Mahkamasining kengaytirilgan majlisida muhtaram Prezidentimiz tomonidan imzolangan tegishli hujjat asosida tasdiqlangan yilqichilik va ot sporti yo‘nalishlari bo‘yicha tadbirlar Dasturidan kelib chiqib, shuningdek, 2026-yilning «Mustaqil, doimiy Betaraf Turkmaniston – tulpor shiddatli orzular makoni» deb e’lon qilinishi munosabati bilan hamda «Galkynyş» guruhining sirk san’atiga qo‘shgan ulkan hissasi uchun yanvar oyida Monakoning Butunjahon sirk federatsiyasi va Yevropa sirk assotsiatsiyasi tomonidan xalqaro sertifikatlarga loyiq ko‘rilishi sharafiga bugun Dashoguz shahrida «Toýnak sesiň toý dabara at-myradyň mekanynda» nomli keng ko‘lamli tantanali tadbirlar o‘tkazildi. Yaqinda Bolqon viloyatida boshlanib, bugun Dashoguzda davom etgan ushbu tadbirlar milliy sirk san’ati rivojiga munosib hissa qo‘shib kelayotgan guruh a’zolarining mamlakatimiz hududlari bo‘ylab uyushtirayotgan bayramona yurishining navbatdagi bosqichi bo‘ldi.

Tantana Dashoguz shahrining markazida boshlandi. «Galkynyş» guruhi a’zolari «Go‘ro‘g‘li» maydonida N. Andalib nomidagi davlat musiqali drama teatri va viloyatning «Doston» raqs guruhining teatlashtirilgan chiqishlarini tomosha qildilar.

So‘ngra mehmonlar Dashoguz viloyati Tarix va o‘lkashunoslik muzeyi maydonida dostonchi baxshilar va «Doston» raqs guruhining «Kushdepdi» raqsini tomosha qildilar. Shundan so‘ng muzey ko‘rgazmasi bilan tanishdilar.

Ishtirokchilar «Türkmeniň ak öýi» binosiga yo‘l oldilar. Bu yerda «Galkynyş» guruhi a’zolari ko‘tarinki ruhda kutib olindi. Mehmonlar uchun samoviy tulporlarni madh etuvchi chiqishlar namoyish etildi. Shuningdek, Maxtumquli Garlyev nomidagi maxsus san’at maktabi baxshilarining chiqishlari va ko‘rgazma namoyish etildi.

Ko‘rgazmadagi osori-atiqalar orasida Turkmaniston Prezidenti Axaltaka otchilik majmuasining «Galkynyş» guruhi 2025-yilda Monakoning Monte-Karlo shahrida o‘tkazilgan 47-xalqaro sirk san’ati festivalida qo‘lga kiritgan Bosh sovrini va boshqa mukofotlari alohida o‘rin egalladi.

Axaltaka otlariga ko‘rsatilayotgan davlat darajasidagi e’tibor haqidagi nutqlardan so‘ng, ishtirokchilar muhtaram Prezident Serdar Berdimuhamedov nomiga Murojaatnoma qabul qildilar. Tadbir davomida sirk sahnasida guruhning mahoratli chiqishlari namoyish etildi.

Bir necha xonandalar tomonidan ijro etilgan «Arkadagly Gahryman Serdarymyz» qo‘shig‘i tantananing go‘zal yakuni bo‘ldi. So‘ngra «Türkmeniň ak öýi» binosida ushbu voqea sharafiga og‘iz ochar vaqtida to‘y sadaqasi berildi.