Dashoguz viloyatida sabzavot-poliz ekinlaridan mo‘l hosil olish yo‘lida samarali ishlar olib borilmoqda. Dashoguz viloyatining Shabat tumanining «Azatlyk» dehqon birlashmasida joriy yilda sabzavot-poliz ekinlarini yetishtirish uchun keng maydonlar ajratildi. Jami 276 gektar maydonda turli xil sabzavot-poliz ekinlari yetishtirilmoqda. Shu maydonning 10 gektariga pomidor ekildi. Dehqon birlashmasida o‘nlab ijarachilar shartnoma asosida pomidor yetishtirib, yil davomida ekinga muntazam parvarish ko‘rsatib kelmoqdalar. Ularning matonatli mehnati evaziga maydonlarda mo‘l hosil yetishdi. Zakir Nurmedow 0,60 gektar, Jumanazar Palwanow va Allayar Jumatow esa 0,40 gektardan ijaraga berilgan yerlarida pomidordan barakali hosil yetishtirdilar. Hozirgi vaqtda ijarachilar pishib yetishgan hosilni o‘z vaqtida yig‘ib olish va yangi holatda aholiga yetkazish uchun yanada g‘ayrat bilan mehnat qilmoqdalar. Sabzavot mahsulotlarini yangi ko‘rinishda aholiga yetkazish oziq-ovqat mo‘l-ko‘lchiligini ta’minlashda muhim ahamiyatga ega. Ijarachilarning samarali mehnati evaziga yetishtirilgan pomidorlar ham ichki bozorning ehtiyojlarini qondirishga o‘z hissasini qo‘shmoqda. Shunday qilib, «Azatlyk» dehqon birlashmasida sabzavot-poliz ekinlaridan yuqori hosil olish bo‘yicha olib borilayotgan ishlar dehqonlarning g‘ayrat-shijoati natijasini yaqqol ko‘rsatib turibdi.