Dushanbeda Turkmaniston va Tojikiston hukumatlararo komissiyasining yig‘ilishi bo‘lib o‘tmoqda

Turkmaniston Vazirlar Mahkamasi Raisining o‘rinbosari Tangriguli Atahalliyev boshchiligidagi Turkmaniston delegatsiyasi 3–4-mart kunlari bo‘lib o‘tadigan savdo-iqtisodiy va ilmiy-texnikaviy hamkorlik bo‘yicha qo‘shma turkman-tojik hukumatlararo komissiyasining o‘n to‘rtinchi yig‘ilishida ishtirok etish uchun Dushanbe shahriga yetib keldi.

Dushanbe xalqaro aeroportida rasmiy delegatsiyani Tojikiston Bosh vaziri o‘rinbosari Ziyozoda Sulaymon va boshqa yuqori martabali shaxslar samimiy kutib oldilar. Bu haqda Tojikiston Energetika va suv resurslari vazirligi xabar bermoqda.

Yig‘ilishda o‘zaro hamkorlikni kengaytirish, savdo-iqtisodiy aloqalarni mustahkamlash, shuningdek, mamlakatlar o‘rtasidagi o‘zaro manfaatli sheriklikning yangi imkoniyatlarini muhokama qilish rejalashtirilgan.

Savdo-iqtisodiy va ilmiy-texnikaviy hamkorlik bo‘yicha turkman-tojik qo‘shma hukumatlararo komissiyasining 13-yig‘ilishi 2024-yil 16-oktabr kuni Ashxobodda bo‘lib o‘tgan edi.