Hazarly-2 qudug‘idan sanoat miqyosidagi tabiiy gaz oqimi olindi

“Marynebitgazgözleg” ekspeditsiyasi gazchilari Dashoguz viloyatining Go‘ro‘g‘li tumanidagi Bo‘vrideshik pog‘onasining g‘arbiy qismida joylashgan Hazarly maydonchasidagi Hazarly-2 qudug‘idan sanoat ahamiyatiga ega bo‘lgan tabiiy gaz oqimini oldilar. Bu haqda seshanba kuni chop etilgan “Nebit-Gaz” gazetasida xabar berildi.

Ekspeditsiya gazchilari 3 ming metr chuqurlikda burg‘ulash ishlarini muvaffaqiyatli yakunlab, tabiiy gazni yer ostidagi mahsuldor qatlamning 2 755 – 2 739 metr oralig‘idan oldilar.

Mutaxassislarning hisob-kitoblariga ko‘ra, gaz qudug‘i har kecha-kunduzda 163,4 ming kub metr tabiiy gaz bermoqda. Gazchilarni davlat tomonidan yuqori sifatli mahsulotlar va texnologik uskunalar bilan ta’minlangani burg‘ulash ishlarini belgilangan talablarga to‘liq muvofiq ravishda bajarishga yordam berdi.

Xabarda ta’kidlanishicha, hozirda burg‘ulovchilar Hazarly maydonchasidagi Hazarly-3 qudug‘ida burg‘ulash ishlarini olib bormoqdalar.

Turkmanistonning turli hududlaridagi neft va gaz konlarida qidiruv quduqlarini qaziyotgan “Marynebitgazgözleg” ekspeditsiyasi xodimlari Bolqon viloyatidagi Uzunada, Barsagelmez hamda Mari viloyatining Murg‘ob tumanidagi Minara maydonlarida burg‘ulash ishlarini muvaffaqiyatli davom ettirmoqdalar.