Janubiy Koreya fuqarolarini Erondan olib chiqishda ko‘rsatilgan yordam uchun Turkmanistonga minnatdorchilik bildirdi

Koreya Respublikasi Prezidenti Li Chje Myon mamlakat fuqarolarini Erondan olib chiqishda ko‘rsatgan yordami uchun Turkmaniston Prezidenti Serdar Berdimuhamedovga minnatdorchilik xati yo‘lladi. Bu haqda dushanba kuni Koreya Respublikasi Prezidenti administratsiyasi Chonvadega tayanib, “The Korea Times” agentligi xabar berdi.

Xatda ta’kidlanishicha, turkman tomoni bilan hamkorlik natijasida o‘tgan haftada Erondagi 25 nafar Janubiy Koreya fuqarosi hamda koreyaliklarning oila a’zolari bo‘lgan 4 nafar Eron fuqarosi chegarani xavfsiz kesib o‘tib, Turkmaniston hududiga yetib kelishgan.

Li Chje Myon fuqarolarni Erondan olib chiqish davrida Turkmaniston tomonidan ko‘rsatilgan qo‘llab-quvvatlash ikki davlat o‘rtasidagi do‘stlik va ishonchning yuksak darajasini tasdiqlashini aytdi.

Shuningdek, qo‘shni Erondan Turkmanistonga Markaziy Osiyo davlatlari, Xitoy, Rossiya, AQSh, Finlyandiya, Shvetsiya, Niderlandiya, Germaniya, Turkiya, Saudiya Arabistoni kabi 16 davlatdan 200 dan ortiq kishi kirib keldi.