Lebap viloyatida qariyb 2 200 xonadonga tabiiy gaz yetkazildi

Hozirda Lebap viloyatida tabiiy gazdan foydalanuvchi xonadonlar soni 217 ming 400 tadan oshdi. 2025-yilning dastlabki olti oyida bu ko‘rsatkich yana qariyb 2 200 taga ortdi. Bu borada “Lebapgazü üpjünçilik” boshqarmasining jips jamoasi munosib hissa qo‘shdi. Bu haqda “Nebit-gaz” (Neft va gaz) gazetasi xabar berdi.

2025-yilning birinchi yarmida Lebap viloyatida gazlashtirish inshootlari va gaz quvurlarini qurish uchun davlat tomonidan 4 million 570 ming manat miqdorida kapital investitsiyalar rejalashtirilgan edi. Amalda esa o‘zlashtirilgan mablag‘ 14,4 million manatdan ham oshdi. Natijada har xil bosimdagi gaz quvurlarining qariyb 62 kilometri tortildi. Bu esa rejalashtirilganidan 40 kilometrdan ko‘pdir.

Faqatgina shu yilning o‘zida Dänew tumanining Ödeý, Baragyz qishloq fuqarolar yig‘inlari hamda Asuda shaharchasidagi o‘nlab uyga tabiiy gaz yetkazildi. Buning uchun umumiy uzunligi 13,3 kilometrdan ortiq bo‘lgan gaz quvurlari tortildi.