Lebapda oʻquv yili muvaffaqiyatli yakunlanmoqda: 23 mingdan ortiq bitiruvchi hayotga yoʻllanma olmoqda
Vatanimiz oʻrta maktablarida 2025-2026-oʻquv yilining yakunlanishiga sanoqli kunlar qoldi. Shu munosabat bilan yurtimizning barcha taʼlim dargohlarida tashkil etiladigan «Soʻnggi qoʻngʻiroq» tantanalari «Mustaqil, doimiy Neytral Turkmaniston — bedov ot chopar orzular makoni» yilining shonli tarixiga ajoyib voqealardan biri boʻlib kiradi.
Yurtimizning boshqa hududlarida boʻlgani kabi, Lebap viloyati taʼlim tizimi uchun ham ushbu oʻquv yili katta mehnat gʻalabalari va muvaffaqiyatlariga boy boʻldi. Oʻtgan toʻqqiz oy davomida viloyatimiz hududida faoliyat koʻrsatayotgan 397 ta oʻrta maktab va maktab-internatlarda jami 338 mingga yaqin oʻquvchiga zamonaviy sharoitlarda taʼlim va mukammal tarbiya berildi. Ularning orasidan 23 700 dan ortiq yosh yigit-qizlar bu yil oʻqishlarini muvaffaqiyatli tamomlab, mustaqil hayotga ilk qadamlarini qoʻymoqdalar.
Ushbu tantanali va quvonchli lahzalarda Chorjoʻy tumanining Xoʻjayli qishloq fuqarolar yigʻiniga qarashli Begariq qishlogʻi yoshlari yanada chuqur hayajonli tuygʻularni boshdan kechirmoqdalar. Maʼlumki, yakunlanib borayotgan ushbu oʻquv yilining ilk kunida ushbu qishloqda 400 oʻrinli zamonaviy maktab binosi tantanali ravishda ochilib, foydalanishga topshirilgan edi. Innovatsion texnologiyalar va ilgʻor oʻquv jihozlari bilan toʻliq taʼminlangan ushbu yangi bilim maskanida tahsil olish va fanlarning mustahkam asoslarini egallash Begariq qishlogʻi yoshlari uchun haqiqiy samara boʻldi.
Yosh avlodning dunyo standartlariga javob beradigan yangi binolarda zamonaviy taʼlim olishi uchun keng imkoniyatlar yaratib berayotgan turkman xalqining Milliy Lideri, Turkmaniston Xalq Maslahati Raisi Qahramon Arkadagʻimizga va muhtaram Prezidentimiz Serdar Berdimuhamedovga baxtiyor bitiruvchilar, ularning ota-onalari hamda taʼlim xodimlari chuqur minnatdorlik va chin qalbdan tashakkur soʻzlarini aytadilar.
