«Mustaqil, doimiy betaraf Turkmaniston — otlar orzular makoni» yili doirasida Turkmaniston Tabiatni muhofaza qilish jamiyatining Lebap viloyat bo‘limi tomonidan Amudaryo davlat tabiat qo‘riqxonasining Gabakli hududida «Bog‘lar farovonligi — farovon hayotning tuganmas manbai» mavzusida amaliy o‘quv seminari tashkil etildi. Bu haqda «lebap.biz» sayti Turkmaniston Atrof-muhitni muhofaza qilish vazirligining matbuot xizmatiga tayanib xabar beradi.

Tadbirda viloyat Tabiatni muhofaza qilish jamiyati mutaxassislari, Amudaryo davlat tabiat qo‘riqxonasining ilmiy xodimlari, bog‘bonlar, Dänew etr apining aholisi va tabiat ixlosmandlari ishtirok etdilar.

Seminar davomida Turkmaniston mustaqilligining dastlabki yillaridan buyon atrof-muhitni muhofaza qilish, biologik xilma-xillikni saqlash, yer va suv resurslaridan oqilona foydalanish hamda ekologik xavfsizlikni ta’minlash borasida amalga oshirilayotgan ishlar batafsil muhokama qilindi. Shuningdek, turkman xalqining Milliy Yetakchisi, Turkmaniston Xalq Maslahati Raisi Gurbanguly Berdimuhamedov hamda Prezident Serdar Berdimuhamedov tashabbuslari bilan hayotga tatbiq etilayotgan ekologik loyihalarning ahamiyati ta’kidlandi.

O‘quv seminarida Amudaryo davlat tabiat qo‘riqxonasining tabiiy xususiyatlari, uning hududida tarqalgan to‘rang‘i o‘rmonlari, qiyoq, qamish va qizilmiya o‘simliklari haqida ma’lumot berildi. Qo‘riqxona hayvonot dunyosining boyligi, bu yerda turli qushlar bilan bir qatorda yovvoyi cho‘chqalar, bug‘ular, jayronlar, shoqollar va quyonlar yashashi qayd etildi. Shuningdek, kamyob arraburun baliq alohida muhofaza ostida saqlanishi ta’kidlandi.

Tadbir davomida Dänew etrapidagi 45-sonli umumta’lim maktabining biologiya fani o‘qituvchisi Maral Batyrova so‘zga chiqib, Amudaryo davlat tabiat qo‘riqxonasida Buxoro bug‘ularini muhofaza qilish va ularning sonini ko‘paytirish borasida olib borilayotgan ishlar haqida gapirdi.

Amaliy o‘quv seminari doirasida qo‘riqxonalarning ilmiy va ekologik ahamiyati, tabiiy boyliklarni muhofaza qilishning zamonaviy usullari yuzasidan fikr almashildi. Ishtirokchilar Köýtendag va Repetek davlat biosfera qo‘riqxonalarida amalga oshirilayotgan ishlarni keng targ‘ib qilish, yosh avlodda tabiatga mehr va ekologik madaniyatni shakllantirish muhimligini ta’kidladilar.