Migratsiya sohasida turkman-qirg‘iz hamkorligi imkoniyatlari muhokama qilindi

17-fevral kuni Turkmaniston va Qirg‘iziston Respublikasining tegishli vazirliklari va tarmoq idoralari o‘rtasida ishchi uchrashuvi bo‘lib o‘tdi. Videaloqa orqali o‘tkazilgan maslahatlashuvda Turkmaniston Davlat migratsiya xizmati vakillari ham ishtirok etdi. Bu haqda xizmatning rasmiy saytida xabar berildi. Xabarda ta’kidlanishicha, tomonlar migratsiya sohasidagi turkman-qirg‘iz hamkorligining istiqbollari va imkoniyatlari yuzasidan fikr almashib, uning ustuvor yo‘nalishlarini muhokama qildilar. Uchrashuv yakunida tomonlar o‘zaro hamkorlik kelgusida ham izchil rivojlanishiga ishonch bildirib, olib borilayotgan ishlarda muvaffaqiyatlar tiladilar.