Ko'p yillik kuzatuvlar kofe iste'mol qilish Altsgeymer, Parkinson, 2-toifa diabet va ba'zi saraton kasalliklari xavfini kamaytirishi mumkinligini ko'rsatib kelgan. Ammo bu ta'sirning aniq molekulyar mexanizmi noma'lum bo'lib qolayotgan edi. Texas A&M universiteti olimlarining Nutrients jurnalida chop etilgan yangi tadqiqoti ushbu savolga ilmiy javob berdi.

Professor Stiven Seyf boshchiligidagi jamoa kofedagi polifenol birikmalar, xususan kofe kislotasi NR4A1 yadro retseptorini faollashtirishini aniqladi. Ushbu oqsil yallig'lanishni kamaytirish va to'qimalarni qayta tiklash jarayonlarini boshqaradi. Ta'kidlash joizki, kofein ushbu retseptorga deyarli ta'sir qilmaydi — bu kofeinsiz kofe ham shunday foydali xususiyatlarga ega ekanligining ilmiy isbotidir.