Olmaota shahrida 2026-yilning «Mustaqil, boqiy Neytral Turkmaniston — bedov otlar shiddatli orzular makoni» shioriga bag‘ishlangan tadbir o‘tkazildi

2026-yil 13-fevral kuni Abylay xan nomidagi Qozoq xalqaro munosabatlar va jahon tillari universitetida 2026-yilning «Mustaqil, boqiy Neytral Turkmaniston — bedov otlar shiddatli orzular makoni» shioriga bag‘ishlangan tadbir bo‘lib o‘tdi. Bu haqda Turkmaniston TIV veb-saytida xabar berilgan.

Tadbirda universitet rahbariyati, turkman talabalari hamda oliy o‘quv yurtining professor-o‘qituvchilari ishtirok etdi.

So‘zga chiqqanlar 2025-yilda Turkmanistonda yuqori darajada o‘tkazilgan bir qator xalqaro tadbirlarda erishilgan muvaffaqiyatlarni katta faxr bilan ta’kidladilar. Shuningdek, ular 2026-yil shiorining ahamiyati, Turkmanistonning doimiy Neytralitet maqomi va mamlakatning jadal rivojlanishini ifodalovchi tulpor haqida ma’lumotlar berdilar. Bundan tashqari, ishtirokchilar Turkmaniston Mustaqilligining 35 yilligi munosabati bilan o‘z tabriklarini bildirdilar.

Tadbir davomida turkman va qozoq talabalari konsert dasturini namoyish etdilar. Ular milliy cholg‘u asboblarida kuylar chaldilar, qo‘shiqlar aytdilar hamda «Bilezik» va «Kushdepdi» raqslarini ijro etdilar.

Tadbir yakunida o‘qishda alohida o‘rnak ko‘rsatgan talabalarni taqdirlash marosimi bo‘lib o‘tdi.