O'n yilliklar ortda qoldi: "Arsenal" FK 22 yildan keyin ilk bor Angliya chempioniga aylandi
Mikel Arteta boshchiligidagi Londonning "Arsenal" futbol klubi 2025/2026-yilgi mavsumda Angliya Premyer-ligasi chempionligini muddatidan oldin rasman qo‘lga kiritdi. Ushbu tarixiy g‘alaba 22 yillik intizorlikka chek qo‘ydi — "kanonirlar" so‘nggi bor ushbu nufuzli kubokni afsonaviy 2003/04-yilgi mavsumda boshlari aro baland ko‘targan edilar. Chempionlik turnirning oxirgi turidan bitta oldingi bahsda eng yaqin ta’qibchi "Manchester Siti" jamoasining "Bornmut" bilan durang (1:1) o‘ynashi natijasida naqd qilindi. Yakuniy 38-tur oldidan "Arsenal" hisobida 82 ochko bor, Gvardiola jamoasi esa 78 ochko bilan ikkinchi o‘rinda bormoqda.
Bu chempionlik "Arsenal" uchun tarixdagi 14-Angliya chempionligi bo‘ldi. Amaldagi g‘alaba London klubining jahon futboli elitasiga to‘liq qaytganidan dalolat beradi. Mazkur mavsum jamoa uchun butunlay unutilmas bo‘lishi mumkin, chunki Arteta shogirdlari 2006-yildan buyon ilk marotaba UEFA Chempionlar Ligasi finaliga ham yo‘l olishshdi. Yevropaning eng nufuzli turniri finali 30-may kuni Budapeştdagi stadionda bo‘lib o‘tadi, unda Londonliklar Fransiyaning "PSJ" jamoasiga qarshi maydonga tushadilar.
