Ronaldu va Benzema o‘z klublarida o‘ynashdan bosh tortishdi

Krishtianu Ronaldu va Karim Benzema Saudiya Arabistoni klublaridagi vaziyatdan norozi ekanliklarini bildirdilar.

Ronaldu Saudiya Davlat investitsiya jamg‘armasi (PIF) tomonidan klubni boshqarishdan norozi. Xususan, u transfer siyosati va investitsiya hajmidan qoniqmayapti. PIF bevosita «Al-Nasr», «Al-Hilal», «Al-Ittihad» va «Al-Ahli» klublarini boshqaradi.

Hozirda Ronaldu milliy chempionatdagi «Al-Riyadh»ga qarshi o‘yinni o‘tkazib yuborishni rejalashtirmoqda. O‘yin 2 fevral, Toshkent vaqti bilan 20:15 da boshlanadi.

Karim Benzema yangi shartnomadan bosh tortdi va «Al-Ittihad»dan ketishga qaror qildi. Fransuz hujumchisi shartnoma bo‘yicha kelishmovchiliklar tufayli «Al-Fateh» (2:2) bilan o‘yinni allaqachon o‘tkazib yubordi.

38 yoshli «Al-Ittihad» markaziy hujumchisi Karim Benzemaning «Al-Hilal»ga o‘tishi kutilmoqda. Biroq Ronaldu bu transferga qarshi, chunki u buni to‘g‘ridan-to‘g‘ri raqibni kuchaytiradi, deb hisoblaydi.

Hozirda Saudiya Pro ligasi jadvalida «Al-Hilal» birinchi, «Al-Nasr» ikkinchi, «Al-Ittihad» esa oltinchi o‘rinda.