Rus tili bir tugma bilan: Turkmanistonda maktab o‘quvchilari uchun videodarslar ishga tushirildi

Turkmaniston maktablarida birinchi sinf o‘quvchilari uchun rus tilini o‘rganishga mo‘ljallangan 70 ta interaktiv videodarsdan iborat yangi raqamli platforma ish boshladi.

Turkmanistonda rus tilini o‘rganish uchun yangi platforma ishga tushirildi. Mazkur tashabbusning birinchi bosqichi sifatida birinchi sinf o‘quvchilari uchun 70 ta interaktiv videodarsdan iborat asosiy o‘quv kursi taqdim etildi. Dastur bolalarning yosh xususiyatlarini hisobga olgan holda ishlab chiqilgan bo‘lib, unda o‘quv jarayoni lug‘at boyligini oshirishga xizmat qiluvchi o‘yin ssenariylari bilan uyg‘unlashgan.

Har bir darsning davomiyligi 10 daqiqadan 15 daqiqagacha bo‘lib, bu kichik yoshdagi maktab o‘quvchilarining diqqatini jamlashi uchun eng maqbul vaqtdir. O‘quv mazmuni Naberejniye Chelni davlat pedagogika universiteti (NChDPU) mutaxassislari tomonidan Turkmaniston milliy ta’lim dasturi talablariga to‘liq mos ravishda tayyorlangan.

Ushbu loyiha Turkmaniston va Rossiya Federatsiyasi Bilim vazirliklari o‘rtasidagi samarali hamkorlik mahsulidir. Hozirda mutaxassislar platformani kengaytirish, ya’ni boshqa sinflar uchun ham videodarslar yaratish ustida ishlamoqdalar.