Sayatda galla o‘rimi mavsumiga qizg‘in tayyorgarlik ko‘rilmoqda
Yurtimizning eng barakali go‘shalaridan biri bo‘lgan Lebap viloyatida shu kunlarda oldinda turgan galla o‘rimi mavsumiga juda mas’uliyatli va uyushqoqlik bilan tayyorgarlik ko‘rilmoqda. Sayat tumani mehnatkashlari ham oq oltin dalalarida yetishtirilgan mo‘l hosilni nes-nobud qilmasdan yig‘ib olish hamda Vatan xirmaniga topshirish yo‘lida qizg‘in mehnat qilmoqdalar.
«Lebapgallaönümleri» ishlab chiqarish birlashmasining Sayat tumanidagi «Watan» dehqon birlashmasi agronomi, Turkmaniston Mejlisi deputati Ogulnur Hayidovaning ta’kidlashicha, joriy yilda tuman bo‘yicha jami 16 ming 155 gektar maydondan 46 ming 400 tonnadan ortiq bug‘doy hosili olish rejalashtirilgan. Kelgusi yillarning mo‘l hosiliga mustahkam poydevor qo‘yish maqsadida, ushbu maydonlarning 4 ming 800 gektarida maxsus urug‘lik bug‘doy yetishtirildi.
Galla o‘rimini qisqa muddatda va uzluksiz tashkil etish uchun texnikalarning moddiy-texnik bazasi to‘liq tayyor holatga keltirildi. Ushbu shonli mavsumda tuman bo‘yicha jami 35 ta quvvatli kombayn uzluksiz ishlaydi. Ulardan 14 tasi maxsus urug‘lik hosilni yig‘ib olishga yo‘naltiriladi. Shuningdek, dalalardan galla qabul qilish punktlariga don tashish uchun 58 ta yuk mashinasi va 62 ta traktor tirkamasi qizg‘in mehnat maydonlariga chiqariladi.
Xalqimizning risq-ro‘zi bo‘lgan donli ekinlarni bir tekis va tez fursatlarda yig‘ib olish uchun hududda barcha sharoit hamda imkoniyatlar yaratilgan. Sayat tumani gallaqor dehqonlari dalalardan ko‘ngildagidek hosil yig‘ib olib, aziz Vatanimiz muqaddas Mustaqilligining shonli 35 yillik to‘yiga mehnat tuhfalari bilan borishni maqsad qilganlar.
