Tmcell abonentlari uchun og‘iz yopish va og‘iz ochish vaqtini aniqlash xizmati ishga tushdi

Turkmanistonda muqaddas Ramazon oyi davom etmoqda. Ushbu davrda milliy aloqa operatori Tmcell (“Altyn Asyr”) o‘z abonentlariga bepul “Oraza” xizmatini taklif etadi. Ushbu xizmat yordamida og‘iz yopish (saharlik) va og‘iz ochish (iftorlik) vaqtlarini tez va oson bilib olish mumkin.

Xizmat siz yashayotgan viloyatni hisobga olgan holda, ro‘za tutishning boshlanish va tugash vaqti haqida aniq ma’lumot beradi. Buning uchun mobil telefonda tegishli USSD kodini kiritish kifoya.

Ma’lumot olish uchun kodlar:

• *0870*1# — Axal viloyati hamda Ashxobod va Arqadog‘ shaharlari uchun
• *0870*2# — Bolqon viloyati uchun
• *0870*3# — Toshog‘uz viloyati uchun
• *0870*4# — Mari viloyati uchun
• *0870*5# — Lebap viloyati uchun

Xizmat Ramazon oyi davomida kompaniyaning barcha abonentlari uchun bepul taqdim etiladi. Uning yordamida mo‘min-musulmonlar saharlik va iftorlik vaqtlarini o‘z vaqtida aniqlab, belgilangan tartibda ro‘za amallarini bajarishlari mumkin.