TS SP rahbari Afg'oniston delegatsiyasi bilan uchrashuv o'tkazdi

Turkmaniston Savdo-sanoat palatasi (TSSP) rahbari Afg'onistonning Standartlashtirish va sifat masalalari bo'yicha boshqarmasi boshlig'i Molla Faizulla Tamim boshchiligidagi delegatsiya a'zolari bilan uchrashuv o'tkazdi. Bu haqda TSSP matbuot xizmati xabar berdi.

27-fevral kuni bo'lib o'tgan uchrashuvda savdo-iqtisodiy aloqalarni rivojlantirishning muhim yo'nalishlari, jumladan, standartlashtirish, sertifikatlashtirish va tovarlar sifatini ta'minlash sohalarida hamkorlikni kengaytirish imkoniyatlari muhokama qilindi. Tomonlar o'zaro tovar ayirboshlash hajmini oshirishda sifat talablariga muvofiqlikning muhim ahamiyatini ta'kidladilar.

Uchrashuv davomida 2024-yil 4-mart kuni Ashxobodda muvaffaqiyatli o'tkazilgan Afg'oniston tovarlari ko'rgazmasining ahamiyati alohida qayd etildi. Ushbu ko'rgazma ikki davlat ishbilarmon doiralari o'rtasida to'g'ridan-to'g'ri aloqalarni rivojlantirish va hamkorlik yo'nalishlarini ochishga imkon berdi.

Xabarda ta'kidlanishicha, o'tkazilgan uchrashuv Turkmaniston-Afg'oniston hamkorligini yanada mustahkamlashga qaratilgan muhim qadam bo'ldi.