Turkman tadbirkorlari ijtimoiy-maqsadli loyihalarni amalga oshirishda faol ishtirok etmoqda

Turkman tadbirkorlari ta’lim, sog‘liqni saqlash va madaniyat sohalarining rivojiga hissa qo‘shib, ijtimoiy-maqsadli loyihalarni amalga oshirishda faol qatnashmoqda. Bu mamlakatda mas’uliyatli biznes shakllanayotganidan dalolat beradi. Jamiyat taraqqiyotidagi o‘z o‘rnini yaxshi tushunadigan tadbirkorlar milliy darajada ustuvor vazifalarni hal qilishga hissa qo‘shmoqda. Bu borada innovatsiyalar va mamlakat xususiy korxonalarining barqaror rivojlanishdagi muvaffaqiyatli tajribasi o‘xshash muammolarga duch kelayotgan va Barqaror rivojlanish maqsadlariga erishishga intilayotgan dengizga chiqish imkoniga ega bo‘lmagan rivojlanayotgan davlatlar uchun namunadir, deb yozadi TDH.

Hozirda tadbirkorlikni rivojlantirish, eksport imkoniyatlarini kengaytirish va xorijiy investitsiyalarni jalb qilishga qaratilgan loyihalar doirasida faol hamkorlik olib borilmoqda. BMTning Rivojlanish dasturi (UNDP), UNICEF, BMT Savdo va rivojlanish bo‘yicha konferensiyasi (UNCTAD) kabi tashkilotlar bilan hamkorlik doirasida turkman tadbirkorlari ilg‘or bilimlar, texnologiyalar va eng yaxshi jahon tajribalariga ega bo‘lmoqda. Bu ularning mahsulotlarining raqobatbardoshligini oshirish va yangi bozorga chiqish imkoniyatlarini kengaytirishga yordam beradi. Ayollar tadbirkorligini qo‘llab-quvvatlash, innovatsion loyihalarni rivojlantirish va startaplarni rag‘batlantirish dasturlari bunday hamkorlikning yorqin namunasidir.

BMT qo‘llab-quvvatlashi bilan o‘tkaziladigan xalqaro ko‘rgazmalar, forumlar va savdo safarlarida turkman kompaniyalari vakillarining ishtiroki ularga butun dunyodan potentsial hamkorlar va sarmoyadorlar bilan to‘g‘ridan-to‘g‘ri aloqalar o‘rnatish imkonini beradi. Bu esa eksport qilinadigan tovarlar hajmini kengaytirish va tashqi savdo aylanmasini oshirish uchun qulay sharoit yaratadi.

Xalqaro standartlarga muvofiq savdo amaliyotlarini muntazam takomillashtirish, bu sohada zamonaviy texnologiyalar va raqamli tizimlarni joriy etish tashqi savdo tizimining asosiy yo‘nalishlaridan biridir.

Buning yorqin misoli sifatida 2024-yil mart oyida Turkmaniston Savdo va tashqi iqtisodiy aloqalar vazirligi bilan Germaniyaning Xalqaro hamkorlik jamiyati o‘rtasida “Markaziy Osiyoda savdo amaliyotlarini soddalashtirish” nomli mintaqaviy loyiha bo‘yicha anglashuv memorandumining imzolanishini ko‘rsatish mumkin.

Turkmaniston turli davlatlarning ishbilarmon doiralari bilan bitimlar imzolash, hamkorlikni yo‘lga qo‘yish, xorijda savdo vakolatxonalari va savdo uylarini ochish orqali xalqaro ishbilarmonlik aloqalarini doimiy rivojlantirib bormoqda.