Turkmaniston Tasviriy san’at muzeyi direktori Anqaradagi maslahatda ishtirok etdi

Turkmanistonning Buyuk Saparmurat Turkmanbashi nomidagi Tasviriy san’at muzeyi direktori Ismoil Orazov 9 fevral kuni Anqarada bo‘lib o‘tgan arxeometriya va muzey ishi bo‘yicha maslahatda ishtirok etdi. Bu haqda Turkmaniston Madaniyat vazirligining saytida xabar berilgan.

Maslahat davomida tarixiy-madaniy merosni kelajak avlodlarga yetkazish maqsadida ishlab chiqilgan loyihalar doirasida madaniy qadriyatlarni tiklash va saqlash, shuningdek, raqamli texnologiyalar yordamida tarixiy topilmalar nusxalarini yaratish bo‘yicha hisobotlar taqdim etildi.

Maslahat 9 — 13 fevral kunlari Anqara va Istanbul shaharlarida o‘tkazilgan tiklash va konservatsiya laboratoriyalari tizimida Turkiya bilan tajriba almashish dasturi doirasida tashkil etildi.