Turkmaniston va Hindiston o‘g‘it ishlab chiqarishda hamkorlikni muhokama qildilar

Turkmaniston va Hindiston o‘g‘it ishlab chiqarish sohasidagi hamkorlik masalalarini muhokama qildilar.

Ushbu masala dushanba kuni Ashxobodda Turkmaniston Vazirlar Mahkamasi Raisining o‘rinbosari Baymirat Annamammedov va Hindistonning Turkmanistondagi elchisi Bandaru Uilsonbabu o‘rtasida bo‘lib o‘tgan uchrashuvda ko‘rib chiqildi. Bu haqda Hindistonning Turkmanistondagi elchixonasi xabar berdi.

Shuningdek, tomonlar sanoat, qurilish va kimyo sohasi yo‘nalishlarida mamlakatlar o‘rtasidagi hamkorlik masalalari bo‘yicha fikr almashdilar.

Avvalroq Turkmaniston va Hindiston ikki davlat ishbilarmon doiralari uchun qo‘shimcha imkoniyatlar yaratishga qodir bo‘lgan yangi qo‘shma loyihalarni amalga oshirish istiqbollarini ham muhokama qilgan edilar.