Turkmanistonda avtomobil yuk tashish faoliyati uchun litsenziya olish tartibi soddalashtirildi

Turkmaniston Prezidenti Serdar Berdimuhamedov «Avtomobil transportida tashish faoliyatini litsenziyalash to‘g‘risida»gi Nizomni tasdiqlash haqidagi qarorni imzoladi. Bu haqda dushanba kuni Turkmaniston Avtomobil transporti vazirligi xabar berdi.

Hujjatga muvofiq, avtomobil transportida yuk tashish faoliyati uchun litsenziyani soddalashtirilgan tartibda rasmiylashtirish talablari va shartlari joriy etildi hamda zarur hujjatlar to‘plami takomillashtirildi.

2026-yil yanvar oyidan boshlab Turkmaniston Avtomobil transporti vazirligi jismoniy va yuridik shaxslarning hujjatlarini qabul qila boshlaydi. Mamlakat hududlarida hujjatlarni aloqa tizimi orqali topshirish imkoniyati yaratiladi.

Batafsil ma’lumotlar Turkmaniston Avtomobil transporti vazirligining rasmiy saytida joylashtirilgan — awtoulag.gov.tm