Yuk tashuvchi elektrovelosiped

Fransiyaning “Decathlon” kompaniyasi muhandislari tomonidan ishlab chiqarilgan elektrovelosipedlar xaridorlar orasida katta talabga ega bo‘ldi. “Btwin E-Three 500” deb nomlangan ushbu ulovlarning asosiy xususiyati yuk tashish imkoniyatining yuqoriligidir. Shuningdek, ushbu elektrovelosipedlarning to‘liq quvvatlantirilgan akkumulyatorlari kuchi 90 kilometrgacha bo‘lgan masofani bosib o‘tishga yetadi. Ya’ni, ularda soatiga 25 kilometr tezlik bilan 80 kilogrammgacha bo‘lgan yuklarni tashish mumkin. Shuningdek, shahar ichida tovarlarni yetkazib berish uchun mo‘ljallangan ushbu ulovlarda bolalarni mindirish, katta hajmli yuklar va sumkalarni ishonchli joylashtirish imkoniyatlari ham ko‘zda tutilgan.