Matoli salonga ega ilk Mercedes-Maybach S-Class: Bu juda ta’sirli

«Motor» jurnali Mercedes-Maybach S-Class modelidagi 10 ta asosiy yangilikni ma’lum qildi. Mercedes-Benz kompaniyasi tubdan modernizatsiya qilingan Mercedes-Maybach S-Class modelini taqdim etdi. Bu gal oddiy restayling o‘rniga, model tarixidagi eng yirik hajmli yangilanish amalga oshirildi.

«Motor» jurnalining fotoreportajida yangi avtomobilning avvalgi avlodlardan nimasi bilan farq qilishi haqida so‘z boradi. O‘zgarishlar juda ko‘p: yangi MB.OS operatsion tizimidan tortib, g‘ildiraklardagi «porlab turgan» yulduzgacha va Maybach tarixida ilk bor taklif etilayotgan terisiz (matoli) salongacha ko‘plab yangiliklar mavjud.