Arkadag we Fizuły şäherleri doganlyk gatnaşyklaryny ýola goýdylar

Dabara Türkmenistanyň Halk Maslahatynyň Başlygy Gurbanguly Berdimuhamedow, Azerbaýjan Respublikasynyň Prezidenti Ilham Aliýew we Özbegistanyň Prezidenti Şawkat Mirziýewiň gatnaşmagynda geçirildi.

Doganlyk protokolyndan başga-da, ulag, howa ýolary we söwda ugurlarynda ylalaşyklary gol goýldy. Hususan-da, «Türkmenhowaýollary» döwlet gullugy bilen Azerbaýjanyň Sanly ösüş we ulag ministrligi arasyndaky halkara howa gatnawlaryny ösdürmek barada düşünişmek memorandumy baglaşyldy. Şeýle hem Özbegistanyň gatnaşmagynda deňiz gurluşygy, ilatyň howa gatnawy we ulag-logistika hyzmatdaşlygy boýunça resminamalar gol goýuldy.

Söwda-ykdysady gatnaşyklary ösdürmäge aýratyn üns berildi — Türkmenistanyň Döwlet haryt-çig mal biržasy bilen Özbegistan Respublikasynyň haryt-çig mal biržasy arasynda hyzmatdaşlyk şertnamasy baglaşyldy.

Üç ýurduň ýolbaşçylary — Gurbanguly Berdimuhamedow, Ilham Aliýew we Şawkat Mirziýew — duşuşygyň jemleri boýunça bilelikdäki beýanat kabul edip, üçtaraplaýyn hyzmatdaşlygyň ösüşiniň sebitiň hem-de dünýäniň howpsuzlygy, durnuklylygy, ynamy we özara düşünişmegi berkitmäge uly goşant goşjakdygyny nygtadylar.