Beýik Britaniýada batareýalar arkaly işleýän ýolagçy otlusynyň işe girizilmegi daşky gurşawy zyýanly gazlardan goramakda möhüm ädime öwrüldi. Otly häzirlikçe Londonyň günbatarynda 8 kilometre barabar bolan demir ýol şahasy boýunça hereket edýär. Ol bu aralygy bary-ýogy 12 minudyň dowamynda geçýär. Ýoluň ugrunda duralgalaryň 4-si ýerleşýär. Ulagyň batareýalaryny kuwwatlandyrmak üçin bolsa demir ýol menzilinde ýörite kuwwatlandyryjy beket oturdyldy. Batareýalary doly kuwwatlandyrmak işine bary-ýogy 3-4 minut sarp edilýär.