ABŞ-nyň Täze ýyl baýramçylygynyň esasy nyşanlarynyň biri hasaplanýan Roždestwo arçasy Nýu-Ýork şäherindäki Rokfeller merkeziniň öňünde oturdyldy.

Boýy 23 metrden geçýän norweg arçasy ABŞ-nyň Nýu-Ýork ştatynyň demirgazyk böleginden getirilip, Bäşinji we Altynjy awenýularyň aralygynda ýerleşýän Rokfeller merkeziniň meýdançasynda dikildi.

«RIA Nowosti» agentliginiň habar bermegine görä, arçanyň yşyklary 2-nji dekabrda dabaraly ýagdaýda ýakylar. Şeýlelikde, şäherde Täze ýyl we Roždestwo baýramçylyklaryna taýýarlyk işleri dowam edýär.