Prezident Serdar Berdimuhamedowyň Azerbaýjana sapary garaşylýar: Hyzmatdaşlygyň täze mümkinçilikleri
Türkmenistanyň Prezidenti Serdar Berdimuhamedowyň Azerbaýjana sapary meýilleşdirilýär. Azerbaýjanyň “AZERTAG” resmi habarlar gullugynyň habar bermegine görä, bu barada Türkmenistanyň Azerbaýjandaky ilçisi Gurbanmämmet Elýasow «Günorta Kawkazda parahatçylygy berkarar etmek: sebitiň global howpsuzlyga goşandy» mowzugynda geçirilýän halkara maslahatyň çäklerindäki «Parahatçylygy berkarar etmegiň gurallary: global wezipeleriň çäginde diplomatiýa» atly panel mejlisinde eden çykyşynda belläp geçdi.
Ilçi saparyň çäklerinde birnäçe resminamalara gol çekilmeginiň garaşylýandygyny belledi.
Bu resminamalar iki ýurduň arasyndaky hyzmatdaşlygy has-da giňeltmäge we ikitaraplaýyn gatnaşyklary ösdürmäge möhüm goşant goşar.
