Türkiýe Respublikasynyň eksport harytlarynyň sergisi geçiriler

Şu ýy­lyň 10 — 12-nji few­ra­ly ara­ly­gyn­da Türk­me­nis­ta­nyň Söw­da-se­na­gat eda­ra­syn­da Tür­ki­ýe Res­pub­li­ka­sy­nyň eks­port müm­kin­çi­lik­le­ri­ni gör­kez­ýän eks­port ha­ryt­la­ry­nyň ser­gi­si ge­çi­ri­ler.

Ser­gi Türk­me­nis­tan bi­len Tür­ki­ýe Res­pub­li­ka­sy­nyň ara­syn­da söw­da-yk­dy­sa­dy hyz­mat­daş­ly­gy has-da ös­dür­mä­ge, işe­wür­lik gat­na­şyk­la­ry­ny gi­ňelt­mä­ge hem-de iki ýur­duň te­le­ke­çi­le­ri üçin tä­ze hyz­mat­daş­lyk müm­kin­çi­lik­le­ri­ni dö­ret­mä­ge gö­nük­di­ri­len­dir. Çä­rä­niň do­wa­myn­da Tür­ki­ýä­niň dür­li pu­dak­la­ryn­da ön­dü­ril­ýän ýo­ka­ry hil­li eks­port ha­ryt­la­ry gi­ňiş­le­ýin ta­nyş­dy­ry­lar.

Sergide senagat, gurluşyk we gurluşyk önümleri, energetika, himiýa, dokma, azyk senagaty hem-de beýleki ugurlar boýunça öndürilýän önümleriň görkezilmegi meýilleşdirilýär. Şeýle-de çäräniň dowamynda işewür duşuşyklar, ikitaraplaýyn gepleşikler hem-de hyzmatdaşlyk mümkinçilikleri boýunça pikir alyşmalar geçiriler. Türkmenistanyň Söwda-senagat edarasynda geçiriljek bu sergi iki ýurdyň işewür toparlarynyň arasynda göni gatnaşyklary ýola goýmak, özara bähbitli hyzmatdaşlygy pugtalandyrmak hem-de täze taslamalara badalga bermek üçin möhüm meýdança bolup hyzmat eder.