«Türkmenistan» awiakompaniýasy halkara gatnawlaryň tertibini täzeledi

«Türkmenistan» awiakompaniýasy 25-nji ýanwardan başlap güýje girýän halkara uçar gatnawlarynyň täzelenen tertibini çap etdi. Aşgabatdan Ýakyn Gündogar, Aziýa–Ýuwaş umman sebitiniň we Ýewropanyň ýurtlaryny öz içine alýan 14 şähere yzygiderli gatnawlar amala aşyrylýar.

Awiakompaniýanyň resmi saýtynda ýerleşdirilen maglumata görä, Aşgabadyň halkara howa menzilinden Birleşen Arap Emirliklerine (Dubaý, Abu-Dabi), Saud Arabystanyna (Jidda), Hindistana (Deli), Hytaýa (Pekin), Taýlanda (Bangkok), Wýetnama (Hoşimin), Malaýziýa (Kuala-Lumpur), Koreýa Respublikasyna (Seul), Beýik Britaniýa (London), Germaniýa (Frankfurt), Italiýa (Milan), Russiýa Federasiýasyna (Kazan) we Türkiýä (Stambul) uçar gatnawlary yzygiderli ýerine ýetirilýär.

Iň köp gatnawlar Stambul hem-de Kazan ugurlary boýunça amala aşyrylýar. Pars aýlagynyň ýurtlaryna hepdede ýedi gatnawa çenli uçarlar uçýar. Aziýa şäherlerine gatnawlar hepdede bir ýa-da iki gezek, Ýewropa ýurtlarynyň ugurlary boýunça bolsa hepdede iki gezek ýolagçylara hyzmat edilýär.