Woleýbol boýunça Türkmenistanyň açyk birinjiliginiň final duşuşygy janköýerlere garaşýar: giriş tölegsiz

Şu gün — 20-nji ýanwarda erkekler toparlarynyň arasyndaky woleýbol boýunça Türkmenistanyň açyk birinjiligi tamamlanýar. Türkmen döwlet bedenterbiýe we sport institutynda geçirilýän ýaryşyň jemleýji duşuşyklarynyň dartgynly geçmegine garaşylýar.

14:00-da Türkmenistanyň açyk birinjiliginiň üçünji orun ugrundaky duşuşygy geçiriler. Ol «Migrasiýa» hem-de «Talyp sport» toparlarynyň arasynda geçer.

Final oýun bolsa 16:00-da başlanar. «Galkynyş» hem-de «Nebitçi» toparlarynyň arasynda guraljak oýun Türkmenistanyň açyk birinjiliginiň ýeňijisini kesgitlär.

Şu gün 18:00-da bolsa ýeňiji bolan toparlaryň sylaglanyş dabarasy geçiriler.

Ýaryşyň jemleýji duşuşyklary Türkmen döwlet bedenterbiýe we sport institutynyň sport toplumynda geçiriler. Oýunlara tomaşa etmek isleýän woleýbol janköýerleri üçin girişiň tölegsizdigini ýatladýarys.