Xiaomi täze flagmanlary 8000 we 8500 mAh batareýa bilen çykýar

Xiaomi kompaniýasy 8000 we 8500 mAs göwrümli iki sany täze akkumulýatoryň synag önümçiligine başlady. Bu barada meşhur insaýder Digital Chat Station habar berdi.

Bar bolan maglumatlara görä, iki ýagdaýda-da bir elementli kremniý batareýasy ulanylýar. Şeýle hem, batareýanyň uly göwrümini doldurmak we gündelik ulanmakda amatlylygy saklamak üçin 100 W-a çenli çalt zarýad beriş ulgamynyň goldanylmagyna garaşylýar.

Insaýder bu akkumulýatorlaryň "ýokary öndürijilikli bir kristally ulgamly täze flagman smartfonlary" üçin niýetlenendigini belledi. Çaklamalara görä, gürrüň iň täze prosessorly premium modeller barada barýar.

Teswirlerde ulanyjylar 8000 mAs batareýanyň käbir orta segment modellerden, şol sanda Redmi Turbo 5 Max-dan göwrüm taýdan pesdigini aýtdylar. Emma çeşme täze enjamlaryň has ýokary klasa degişlidigini, olaryň uly göwresi we flagman häsiýetli enjamlary bilen tapawutlanjakdygyny nygtady.