Türkmen döwlet ykdysadyýet we dolandyryş institutynyň garamagyndaky «Ykdysadyýetçi» okuw-önümçilik merkezi Türkmenistanyň raýatlary üçin gysga möhletli hünär okuwlaryna kabul edişligi yglan etdi.

Merkezde aşakdaky ugurlar boýunça okuwlar geçiriler:

  • «Buhgalter»;

  • «Bank işiniň operatory»;

  • «Işewürlik we telekeçilik»;

  • «Biznes-informatika».

Okuwlaryň dowamlylygy 10 aý bolup, olar tölegli esasda guralýar. Maksatnama orta bilimli, ýaşy 35-den uly bolmadyk Türkmenistanyň raýatlary üçin niýetlenendir.

Okuwlara gatnaşmak isleýänler degişli resminamalary 2026-njy ýylyň 30-njy awgustyna çenli tabşyrmaly.

Dalaşgärlerden aşakdaky resminamalar talap edilýär:

  • bellenen görnüşde okuw merkeziniň ýolbaşçysynyň adyna ýazylan arza;

  • orta bilim hakyndaky şahadatnama;

  • Türkmenistanyň Saglygy goraýyş we derman senagaty ministrligi tarapyndan bellenen görnüşdäki saglyk kepilnamasy;

  • soňky okan ýa-da işlän ýerinden häsiýetnama;

  • 3×4 sm ölçegdäki fotosurat;

  • zähmet depderçesiniň göçürmesi (bar bolan ýagdaýynda);

  • pasportyň göçürmesi;

  • erkek raýatlar üçin harby şahadatnamanyň ýa-da harby hasaba alyş şahadatnamasynyň göçürmesi.

Resminamalar Aşgabat şäheriniň 1972-nji (Atatürk) köçesiniň 73-nji jaýynda, Türkmen döwlet ykdysadyýet we dolandyryş institutynyň binalar toplumynda kabul edilýär.

Goşmaça maglumat almak üçin şu telefon belgisine ýüz tutup bolýar: 48-62-94.

Bu okuwlar ykdysadyýet, maliýe, telekeçilik we sanly tehnologiýalar ugurlarynda goşmaça bilim almak isleýän raýatlar üçin hünär başarnyklaryny ösdürmäge mümkinçilik döreder.