Mashhur yangiliklar
«Al-Nassr» murabbiyi Jorje Jejush: «Turkmaniston – goʻzal mamlakat, bu yerdagi stadion esa juda ajoyib»
«Turkmaniston – goʻzal mamlakat va bu yerdagi stadion juda ajoyib», – dedi Saudiya Arabistonining «Al-Nassr» jamoasi bosh murabbiyi Jorje Jejush OFK Chempionlar ligasi 2-musobaqasining 1/8 finali doirasida Turkmanistonning «Arkadagʻ» jamoasiga qarshi oʻtkazilgan dastlabki uchrashuvdan keyingi matbuot anjumanida.
«Uchrashuvning barcha ishtirokchilariga va stadionga kelgan muxlislarga minnatdorchilik bildiraman. Sizning juda goʻzal mamlakatingiz, mehmondoʻst xalqingiz va futbol uchun barcha sharoitlari boʻlgan ajoyib stadiningiz bor. Uchrashuv bizning foydamizga yakunlanganidan juda xursandman», – deb taʼkidladi Jorje Jejush.
«Al-Nassr» jamoasining OFK Chempionlar ligasi 2-turnirida gʻalaba qozonish imkoniyatlari haqidagi savolga 71 yoshli portugaliyalik mutaxassis shunday javob berdi:
«Biz uchun har bir oʻyin muhim, biz doimo yuqori darajada oʻynashga harakat qilamiz. «Al-Nassr» jamoasining asosiy maqsadlaridan biri – OFK Chempionlar ligasi 2 gʻolibi boʻlish. Ammo keyingi bosqichga chiqishimiz hali toʻliq kafolatlanmagan, oldinda Ar-Riyodda javob uchrashuvimiz bor. Biz raqibimizga hurmat bilan qaraymiz va keyingi oʻyinga jiddiy tayyorgarlik koʻryapmiz».
Dastlabki uchrashuv Saudiya Arabistoni jamoasi uchun omadli boʻlganini hisobga olib, «Ar-Riyodda boʻlib oʻtadigan javob oʻyinida «Al-Nassr» «Arkadagʻ»ga qarshi yana ikkinchi tarkib bilan tushadimi yoki yulduz futbolchilar ham maydonga tushadimi?» degan savol koʻplab jurnalistlarni qiziqtirdi.
«Men hech narsaga kafolat bera olmayman va oldindan ayta olmayman: javob oʻyinida ikkinchi tarkib oʻynaydimi yoki yulduzlarmi? Birinchi navbatda bizni Saudiya Arabistoni chempionatida boshqa bir uchrashuv kutmoqda».
Xabar berilganidek, «Arkadagʻ» bilan boʻladigan javob uchrashuvidan oldin, 14-fevral kuni «Al-Nassr» Saudiya Arabistoni chempionatining 22-turi doirasida «Al-Fateh» jamoasi bilan toʻqnash keladi.
Matbuot anjumanida oʻyinning eng yaxshi futbolchisi deb topilgan va yagona gol muallifi Abdulla Al-Hamdan ham oʻz taassurotlari bilan oʻrtoqlashdi:
«Turkmanistonda bizga koʻrsatilgan samimiy kutib olishlar uchun minnatdorchilik bildiraman. Bu juda qiziqarli va qiyin oʻyin boʻldi. Lekin eng asosiysi — biz gʻalaba qozondik. «Arkadagʻ» — juda kuchli raqib. Ammo bizning Ar-Riyodda yana bir oʻyinimiz bor va u ham bizning foydamizga yakunlanishiga umid qilaman», — dedi MVP gʻolibi Abdulla Al-Hamdan.
