«Arkadag» «Al-Nassr»ga qarshi oq libosda maydonga chiqadi

AFC Chempionlar ligasi 1/8 finalida «Arkadag» (Turkmaniston) va «Al-Nassr» (Saudiya Arabistoni) jamoalari o‘rtasidagi uchrashuvdan oldin Osiyo Futbol Konfederatsiyasi, Turkmaniston Futbol Federatsiyasi, futbol klublari, tashkiliy qo‘mita va tegishli bo‘limlar vakillari ishtirokida yig‘ilish bo‘lib o‘tdi.

«Yyldyz» mehmonxonasining konferens-zalida o‘tkazilgan yig‘ilishda tashkiliy masalalar muhokama qilindi va jamoalarning maydondagi futbol formasi rangi belgilangani e’lon qilindi: Turkmaniston chempioni «Arkadag» oq libosda, «Al-Nassr» esa sariq libosda o‘ynaydi.

Uchrashuv bosh hakami 39 yoshli bahreynlik Ammar Ibrahim Hasan Mahfud bo‘lib, unga Mohamed Jaafar Mohamed Salman va Abdulla Saleh Abdulla Mohsen Alrowaimi yordam beradi. Zaxira hakami vazifasini Mohamed Haled Tarrar bajaradi, VAR hakami esa kuvaytlik Abdulla Al-Kandari bo‘ladi.

1/8 finalning birinchi uchrashuvi bugun, 11 fevralda, Ashgabatdagi Olimpiya stadionida bo‘lib o‘tadi va mahalliy vaqt bilan 18:45 da boshlanadi. Javob uchrashuvi esa 18 fevralda Riyad shahrida o‘tkaziladi.