Barqaror rivojlanish uchun innovatsiyalar: BMTTR yoshlarning raqamli bilimlarini oshirmoqda

2026-yil 4-mart kuni BMTTRning (BMT Taraqqiyot Dasturi) Turkmanistondagi vakolatxonasi tomonidan yoshlar uchun tashkil etilgan o‘quv kursi doirasida Oguz xon nomidagi Muhandislik-texnologiyalari universiteti talabalari sun’iy intelekt (SI) hamda raqamli innovatsiyalarning jamiyat va iqtisodiyotni rivojlantirishdagi imkoniyatlarini muhokama qildilar.

Maslahatlashuv davomida BMTTR xalqaro eksperti janob Tristan Post sun’iy intelekt ta’limni, davlat xizmatlarini va kelajakdagi kasblar bozorini qanday o‘zgartirayotgani haqida so‘zlab berdi hamda raqamli ko‘nikmalar, etika va texnologiyalardan mas’uliyat bilan foydalanish muhimligini ta’kidladi.

Ishtirokchilar sun’iy intelektning ilk bosqichlaridan boshlab hozirgi zamon ilg‘or tizimlarigacha bo‘lgan rivojlanish yo‘lini ko‘rib chiqdilar va avtomatlashtirish hamda yangi texnologiyalar mehnat bozorini qanday o‘zgartirayotganini muhokama qildilar. Mashg‘ulot davomida talab yuqori bo‘ladigan ko‘nikmalarga, yangi kasblarga, shuningdek, sun’iy intelektning jamiyatga ko‘rsatadigan keng ko‘lamli ta’siriga alohida e’tibor qaratildi.

«Yoshlar va raqamli islohotlar: barqaror rivojlanish uchun innovatsiyalar» deb nomlangan o‘quv seminarlari turkumi BMTTR va Turkmaniston Bilim vazirligi o‘rtasidagi O‘zaro tushunish memorandumi doirasida Oguz xon nomidagi Muhandislik-texnologiyalari universiteti bilan hamkorlikda 2026-yil uchun rejalashtirilgan.