«Barselona» «Elche»ni mag‘lub etib, La Ligadagi yetakchiligini mustahkamladi. «Atletiko» autsayderga imkoniyat boy berdi

31-yanvardan 1-fevralga o‘tar kechasi Ispaniyaning La Ligasi 22-tur o‘yini bo‘lib o‘tdi. «Elche» uy maydonida «Barselona»ni qabul qildi va o‘yin 3:1 hisobida mehmonlarning g‘alabasi bilan yakunlandi.

6-daqiqada «Barselona» hujumchisi Lamin Yamal hisobni ochdi. Uy egalarining hujumchisi Alvaro Rodrigez 29-daqiqadagi goli bilan hisobni tenglashtirdi. Ammo 40-daqiqada Ferran Torres katalonlarni yana oldinga chiqardi. 72-daqiqada hujumchi Markus Rashford «Elche»ning uchinchi golini urib, o‘yin yakuniy hisobini belgiladi.

Ispaniya chempionatining 22 o‘yinidan so‘ng, 55 ochko to‘plagan «Barselona» birinchi o‘rinda bormoqda. «Elche» 24 ochko bilan 14-o‘rinda turibdi.

Keyingi o‘yinlar:

• «Barselona» 7-fevralda uy maydonida «Malyorka» bilan o‘ynaydi.
• «Elche» shu kuni mehmon sifatida «Real Sosyedad»ga qarshi o‘ynaydi.

«Levante» — «Atletiko»

22-tur doirasida «Levante» uy maydonida Madridning «Atletikosini» qabul qildi. O‘yin 0:0 hisobida durang bilan yakunlandi.

22 o‘yindan so‘ng, «Atletiko» 45 ochko bilan La Ligada 3-o‘rinda. «Levante» 21 o‘yindan so‘ng 18 ochko bilan 19-o‘rinda turibdi.

Keyingi o‘yinlar:

• «Atletiko»: 8-fevralda uy maydonida «Real Betis»ga qarshi.
• «Levante»: shu kuni mehmon sifatida «Bilbao Atletigi» bilan.