“Elin” kompaniyasi yaqinda shokoladli qaymoq ishlab chiqarishni yo‘lga qo‘ydi

“Elin” xususiy korxonasi yaqinda shokoladli qaymoq ishlab chiqarishni boshladi. Bu haqda korxona mutaxassisi seshanba kuni Ashxobodda TSTB tashkil etilganining 18 yilligiga bag‘ishlangan ko‘rgazma doirasida “Biznes Türkmenistan” internet nashriga ma’lum qildi.

Korxona mutaxassisining so‘zlariga ko‘ra, ushbu mahsulot bir turda va o‘lchamda ishlab chiqarilmoqda hamda allaqachon ichki bozordagi savdo nuqtalarida sotuvga chiqarilgan.

Korxonada “Elin” savdo belgisi ostida yuqori sifatli sut va sut mahsulotlari ishlab chiqarilib, pishloq, sariyog‘, qatiq va qaymoqning yangi turlari xaridorlarga yetkazib berilmoqda.

“O‘tgan yildan boshlab “Taurus” savdo belgisi ostida kolbasa mahsulotlarini ishlab chiqara boshladik. Hozirgi vaqtda kolbasa mahsulotlarining jami 20 dan ortiq turini — “Adalat”, “Mergen”, “Aşgabat”, “Dagbaşy”, “Daýhan”, “Gülzar”, “Daşrabat”, “Moss” kabilarni ishlab chiqarayapmiz. Go‘sht mahsulotlari qatorida basturma, qovurdoq, tovuq va sigir go‘shtidan tayyorlangan qoqilar, tovuq ruletlari kabi mahsulotlarimizga ham talab ortib bormoqda”, — deya ta’kidladi korxona mutaxassisi.

Korxona mutaxassislari dunyo mamlakatlaridagi ishlab chiqarish yangiliklari bilan muntazam tanishib bormoqdalar va turli ta’mlarni sinovdan o‘tkazib, talab yuqori bo‘ladigan yangi mahsulotlarni ishlab chiqarishga intilmoqdalar.