FIFA futbolchilari Jahon chempionatida ishtirok etgan klublarga rekord miqdorda to‘lov qiladi

FIFA ilk bor 2026-yilgi Jahon chempionatining saralash va yakuniy bosqichlarida qatnashgan futbolchilar uchun ularning klublariga to‘lov amalga oshiradi. Bu mablag‘ning umumiy miqdori rekord darajadagi 355 million AQSH dollariga yetishi kutilmoqda.

FIFA 2022-yilda Qatarda o‘tgan Jahon chempionatidan so‘ng 440 ta klubga jami 209 million dollar taqsimlagan edi. Bu to‘lov tizimi 2023-yilda FIFA bilan Yevropa klublari assotsiatsiyasi (ECA) o‘rtasida imzolangan o‘zaro anglashuv memorandumiga asoslangan.

FIFA prezidenti Janni Infantino bu haqda quyidagicha izoh berdi:

“2026-yilgi Jahon chempionati uchun kengaytirilgan klub to‘lov dasturi — bu oldinga tashlangan muhim qadamdir. Bu dastur butun dunyo bo‘ylab ko‘plab klublar va futbolchilarning saralash va final bosqichlarining o‘tkazilishiga qo‘shgan ulkan moliyaviy hissasini tan oladi.”