iPhone 18 Pro va iPhone Fold ommaviy ishlab chiqarilishi iyul oyida boshlanadi

Apple kompaniyasining sentyabr oyidagi taqdimoti yilning eng muhim voqealaridan biri bo'lishi kutilmoqda. Unda nafaqat iPhone 18 Pro flagmanlari, balki kompaniyaning birinchi buklama smartfoni — iPhone Fold ham namoyish etiladi. Ma'lumotlarga ko'ra, ushbu qurilmalarni ommaviy ishlab chiqarish iyul oyida boshlanadi.

iPhone 18 Pro seriyasi TSMC’ning 2-nm texnologiyasi asosida yaratilgan A20 Pro chipiga ega bo'ladi. Shuningdek, yangi modellarda qizil rangli korpus va 24 megapikselli selfi-kameralar paydo bo'lishi kutilmoqda.