Kal bo‘lishni davolashning kutilmagan usuli topildi

Xalqaro olimlar guruhi androgenetik alopesiya (erkak va ayol turidagi soch to‘kilishi)ni davolashda asosiy vosita bo‘lgan minoksidilning ta’sirini kuchaytirishning yangi usulini topdi. Tadqiqotga ko‘ra, steviya o‘simligidan olinadigan tabiiy shirinlashtiruvchi — steviosid, minoksidilning teri orqali singishini yaxshilaydi va uning ta’sirini kuchaytiradi. Tadqiqot Advanced Healthcare Materials (AHM) jurnalida chop etilgan.

Minoksidil hozirda soch o‘sishini rag‘batlantirish uchun purkagich va eritma shaklida keng qo‘llaniladi. Biroq, uning yomon eruvchanligi va teriga yomon singishi davolash samaradorligini cheklaydi. Ushbu muammoni hal qilish uchun olimlar minoksidil va steviosid birikmasini o‘z ichiga olgan eriydigan plastir (yopishqoq yara bintini) ishlab chiqdilar.

Kal bo‘lish modelida olib borilgan sichqonlar ustidagi tajribada, bu plastir soch ildizlarini faol o‘sish bosqichiga o‘tkazdi va natijada yangi sochlar o‘sdi.

"Minoksidilning teriga yetkazilishini yaxshilash uchun steviosidni qo‘llash — soch to‘kilishiga qarshi samaraliroq va tabiiy davo vositalarini yaratish yo‘lidagi istiqbolli qadamdir. Bu usul butun dunyoda millionlab odamlarga yordam berishi mumkin", — dedi Sidneydagi universitetdan tadqiqot muallifi, professor Lifeng Kang.