Maktab o‘quvchilariga e’tibor: Qirg‘izistonda «Elite» xalqaro olimpiadasi o‘tkaziladi

Qirg‘iz Respublikasida birinchi «Elite» xalqaro olimpiadasi o‘tkaziladi. Ushbu olimpiada to‘liq IELTS standarti bo‘yicha ishlab chiqilgan.

Xalqaro olimpiada maktab o‘quvchilariga maktab yillarida akademik ingliz tilini rivojlantirishga yordam beradi. U o‘qish, yozish, lug‘at boyligini oshirish va matnlarni to‘liq tushunish ko‘nikmalarini rivojlantiradi. Olimpiada 22-fevral kuni onlayn formatda bo‘lib o‘tadi. 3-sinfdan 12-sinfgacha bo‘lgan o‘quvchilar ishtirok etishi mumkin.

Eslatib o‘tamiz, barcha finalchilar, shu jumladan oltin, kumush va bronza medal egalari, yozda AQSh va Avstraliyada bo‘lib o‘tadigan final bosqichida qatnashish imkoniyatiga ega bo‘ladilar.

Bog‘lanish uchun: @bilimtech_kg