Mxitaryanning goli "Inter"ga peshqadamlikni mustahkamlashga yordam berdi

Milanliklar Italiya A Seriyasining 26-turida safarda "Lechche" ustidan 2:0 hisobida g‘alaba qozonishdi. 56-daqiqada Genrix Mxitaryan hisobni ochgan bo‘lsa, hakam tomonidan qo‘shib berilgan vaqtda Manuel Akanji yakuniy natijani o‘rnatdi. Ushbu g‘alabadan so‘ng "Inter"ning mag‘lubiyatsiz seriyasi 14 o‘yinga yetdi. Hozirda jamoa 64 ochko bilan turnir jadvalida yaqqol peshqadamlik qilmoqda.