Olimlar suyakni tiklash uchun mustahkam va egiluvchan yangi material yaratdi

Xitoylik olimlar inson suyagiga juda yaqin bo‘lgan “nano suyak sementi” deb nomlangan yangi materialni ishlab chiqdi. Uning tarkibi kaltsiy fosfat, limon kislotasi, poliakril kislotasi va L-formali poliasparagin kislotasiga asoslangan.

An’anaviy suyak transplantatsiyasi — ya’ni avto va allograftlar — bilan bog‘liq cheklov va asoratlar mavjud. Yangi material esa xavfsiz, biomos va oson moslashadi. Avvalgi sintetik suyak materiallari yetarlicha egiluvchan emasligi sababli sinishga moyil bo‘lgan.

Yangi materialning afzalliklari:

• Qattiqlashguncha xohlagan shaklga keltirish mumkin, murakkab suyak shikastlarida foydali.
• Yuqori darajadagi mustahkamlik va egiluvchanlik.
• Vujudga qo‘llangach, suvni o‘ziga singdiradi va kengayadi, hujayralar uchun mos muhit yaratadi.
• Operatsiyadan keyingi qulaylik va harakatchanlikni oshiradi.

Tadqiqotchilar bu material jarrohlik amaliyotlarini soddalashtirib, tiklanish jarayonini tezlashtiradi, deb hisoblaydi.

Tadqiqot Nature Communications jurnalida chop etilgan.