O‘zbek tadbirkorlari Turkmanistonda gaz sotib oldi

2-fevral kuni Turkmaniston Davlat xomashyo birjasida jami 227 080 000 manat (1 184 250 AQSH dollari) miqdorida 8 shartnoma tuzildi.

Xorijiy bozorda O‘zbekiston tadbirkorlari davlat konserni “Turkmennebit”dan suyultirilgan gaz sotib oldi, Afg‘oniston tadbirkorlari “Turkmenkhimiya” konsernidan “B” markali karbamid va “Turkmennebit” konsernidan suyultirilgan gaz xarid qildilar.

Ichki bozorda mahalliy tadbirkorlar “Turkmennebit”dan “SN-180” boshlang‘ich yoqilg‘i, “BND 60/90” yo‘l bitumi va “Türkmengallaönümleri” davlat birlashmasidan 1-darajali bug‘doy unini sotib olish bo‘yicha shartnomalar tuzdilar.