Qozog‘istonda haydovchilarga avtomobil raqamlarini o‘zlari tanlashga ruxsat berildi

Qozog‘istonda avtomobil egalari endi davlat raqamlarini (DTR) o‘zlari tanlashlari mumkin.

Kazinform axborot agentligining xabar berishicha, istalgan raqam va harflardan iborat raqamlarni erkin tanlashni ta’minlovchi normalar 2026-yil 1-yanvardan kuchga kirdi.

Istalgan raqam va harflar kombinatsiyasidagi DTR narxi 10 va 15 oylik hisob-kitob ko‘rsatkichini tashkil qiladi (yuqori talabga ega raqamlar uchun alohida to‘lovlar belgilangan).

Oylik hisob-kitob ko‘rsatkichi — bu qonun bilan belgilangan koeffitsiyent bo‘lib, u turli nafaqalar, soliqlar, jarimalar va davlat to‘lovlarini hisoblashda ishlatiladi; 2026-yilda u 4 325 tengge (~8,52 $)ni tashkil qiladi.