Sportchilarining shijoatli yurishi, mashhur yulduzlarning chiqishlari va Olimpiya olovining yoqilishi: Italiyada 2026 yilgi Olimpiya o‘yinlari boshlandi

XXV qishki Olimpiya o‘yinlarining ochilish marosimi Milanda bo‘lib o‘tdi. Olimpiya o‘yinlarining musobaqalari ikki shaharda bo‘lib o‘tadi: Milan va Kortina d’Ampesso.

Ochilish marosimining asosiy joyi Milan shahri bo‘ldi, biroq bayram tadbirlari boshqa uch joyga ham yoyildi: Predasso, Livinyo va Kortina d’Ampesso.

Birinchi marta Olimpiya olovi ikki joyda yoqildi: Milandagi Tinchlik darvozasi va Kortina d’Ampessodagi Anjelo Dibona maydonchasida.

Kortina d’Ampesso Olimpiya o‘yinlarini ikkinchi marta qabul qilmoqda. Muqaddas sport bayrami birinchi marta ushbu shaharda 1956 yilda bo‘lib o‘tgan. Bu Italiyada o‘tkaziladigan uchinchi qishki Olimpiya o‘yinlaridir. Turin bu musobaqani 2006 yilda qabul qilgan.

XXV qishki Olimpiya o‘yinlarida sportning 16 turi bo‘yicha musobaqalar o‘tkaziladi. Jami 116 ta medal jamlanmasi g‘oliblarga topshiriladi.

2026 yilgi Olimpiya o‘yinlarining «San Siro» stadionida o‘tkazilgan ochilish marosimida besh marta «Gremmi» mukofoti sovrindori Meraya Keri, «Oltin globus» mukofoti sovrindori Laura Pauzini, mashhur aktrisa Sharliz Teron, taniqli tenor Andrea Boçelli, repchi Gali, pianinochi Lang Lang va boshqa madaniyat yulduzlari chiqish qildilar.

Musobaqalarda 93 mamlakatdan taxminan 3000 sportchi ishtirok etadi.