Tezroq uyquga ketishning oddiy usuli — dori-darmonsiz

Ispaniyalik kardiolog Aurelio Roxas bu usul baʼzan uyqu dori vositalaridan ham samaraliroq boʻlishi mumkinligini taʼkidlaydi.

Uyquga ketish 36% tezlashadi

2019 yilda Sleep Medicine Reviews jurnalida chop etilgan tadqiqotga koʻra, uyqudan 1–2 soat oldin issiq suvda choʻmilish yoki dush qabul qilish uyquga ketish vaqtini oʻrtacha 36% ga kamaytiradi. Issiq suv tana haroratini me’yorda ushlaydi va dam olishni osonlashtiradi.

“Issiq suv teri ostidagi qon tomirlarini kengaytiradi va tana issiqligini tezroq chiqaradi. Bu esa melatonin — uyqu gormoni — ishlab chiqarilishini kuchaytiradi”, — deydi doktor Roxas.

Tana uyquga tayyorlanadi

Melatonin tananing biologik soatini muvozanatlaydi va kortizol darajasini pasaytiradi — bu stress bilan bogʻliq gormon. Shunday qilib, tana tezroq uyqu holatiga oʻtadi.

Issiq dush, shuningdek, chuqur uyqu bosqichini uzaytiradi. Bu bosqich xujayralarni qayta tiklash va xotirani qayta ishlash uchun muhim.

Jismoniy mashqlar va dietadan yaxshiroq

Kardiologning fikricha, bu usul koʻpincha jismoniy mashq yoki qattiq dietalardan koʻra samaraliroq. Bundan tashqari, oson, arzon va xavfsiz.