Turkmaniston va Pokiston turizm sohasidagi aloqalarni kengaytirish hamda ikki tomonlama hamkorlikni mustahkamlashga qaratilgan bir qator hujjatlarni imzoladi.
Ushbu hujjatlar qatoriga ikki mamlakat qo‘shma hukumatlararo komissiyasining oltinchi yig‘ilishi bayonnomasi, shuningdek, Turkmaniston va Pokiston Tashqi ishlar vazirliklari o‘rtasida 2026–2030-yillarga mo‘ljallangan Hamkorlik dasturi kiradi.
Hujjatlarni Pokiston Bosh vaziri o‘rinbosari, tashqi ishlar vaziri, senator Muhammad Ishoq Dar hamda Turkmaniston Vazirlar Mahkamasi Raisining o‘rinbosari, tashqi ishlar vaziri Rashid Meredov imzoladi. Bundan avval ikki mamlakat vakillari qo‘shma hukumatlararo komissiya yig‘ilishiga hamraislik qildilar.
Uchrashuv davomida tomonlar Pokistonning Viloyatlararo muvofiqlashtirish vazirligi va Turkmaniston Madaniyat vazirligi o‘rtasida turizm sohasida hamkorlik qilish to‘g‘risidagi o‘zaro anglashuv memorandumini ham almashdilar.
Imzolangan hujjatlar ikki mamlakatning tegishli davlat idoralari o‘rtasidagi aloqalarni mustahkamlash, diplomatik hamkorlikni izchil davom ettirish, turizm imkoniyatlarini rivojlantirish hamda xalqlar o‘rtasidagi munosabatlarni kengaytirishga qaratilgan.









Izohlar
Hozircha izoh yo'q. Birinchi bo'ling.