Turkmaniston Xitoy o‘quv yurtlarida turkman tilini o‘rganishni tashkil etishda yordam berishga tayyor

Turkmaniston Xitoy Xalq Respublikasi o‘quv yurtlarida turkman tilini o‘rganishni tashkil etishda ko‘maklashishga, buning uchun o‘qituvchi va mutaxassislarni yuborishga tayyor.

Bu haqda turkman xalqining Milliy Lideri, Turkmaniston Xalq Maslahati Raisi Gurbanguli Berdimuhamedov Xitoy Xalq Respublikasiga amalga oshirgan do‘stona tashrifi davomida Xitoyning “CGTN” telekanali boshlovchisi Xe Yanke bilan bo‘lgan suhbatda ma’lum qildi.

Qahramon Arkadagimiz ta’kidlaganidek, bu qadam ikki davlat hamkorligining kelajagiga kiritilgan sarmoya hamda turkman va xitoy xalqlari o‘rtasidagi do‘stlik va o‘zaro anglashuvning yorqin belgisidir.

Hozirgi vaqtda Xitoy bilim yurtlarida 10 mingdan ortiq Turkmaniston fuqarolari tahsil olmoqda. Turkmanistonning 9 ta oliy o‘quv yurti va 10 ta o‘rta maktabida xitoy tili o‘rganilmoqda.

Turkman xalqining Milliy Lideri ta’kidlaganidek, madaniy-gumanitar aloqalar juda muhim va belgilovchi o‘rinlardan birini egallaydi. Chunki Turkmanistonning ham, Xitoyning ham davlat tuzilishi, suvereniteti va milliy o‘ziga xosligi chuqur tarixiy, ma’naviy va madaniy ildizlarga tayanadi.