Turkmanistonda YUNISEF bilan ta’lim sohasidagi hamkorlik masalalari muhokama qilindi

Turkmaniston Ta’lim vaziri J. Gurbangeldiyev va Birlashgan Millatlar Tashkilotining Bolalar jamg‘armasi (YUNISEF)ning Turkmanistondagi vakili Jalpa Ratna o‘rtasida uchrashuv bo‘lib o‘tdi.

Vazirlik rasmiy saytida berilgan xabarga ko‘ra, tomonlar 2026–2030-yillarga mo‘ljallangan ikki tomonlama hamkorlikning asosiy yo‘nalishlarini, jumladan, bolaning erta rivojlanishi, inklyuziv ta’limni rivojlantirish, shuningdek, ta’lim tizimida iqlim barqarorligi va tabiiy ofatlar xavfini kamaytirish masalalari bo‘yicha rejalashtirilgan ishlarni muhokama qildilar.

Uchrashuvda bolaning erta rivojlanishi bo‘yicha Milliy strategiyani tayyorlash va mamlakatdagi 55 ta maktabda boshlang‘ich sinfga tayyorgarlik bo‘yicha sinov dasturini amalga oshirish, “Yashil maktab” qo‘shma dasturini muvaffaqiyatli hayotga tatbiq etish, inklyuziv ta’lim bo‘yicha olib borilayotgan tajriba ishlarining ko‘lamini kengaytirish masalalariga alohida e’tibor qaratildi.

Shuningdek, Turkmaniston Ta’lim vazirligining tegishli bo‘limlari YUNISEF bilan birgalikdagi tashabbuslarni amalga oshirishning barcha bosqichlarida yaqin hamkorlikda ishlashga tayyor ekanliklarini tasdiqladilar.

Uchrashuv Turkmaniston Ta’lim vazirligida bo‘lib o‘tdi.